काठमाडौं। नेपाली कांग्रेस संसदीय दलको बैठक आज दिउँसो ३:३० बजे सिंहदरबारस्थित संसदीय दलको कार्यालयमा बस्ने भएको छ।

बैठकमा संसद्मा कांग्रेसको भूमिकालाई प्रभावकारी बनाउने रणनीति, उठाउनुपर्ने जनसरोकारका विषय तथा पछिल्लो समसामयिक राजनीतिक घटनाक्रमबारे छलफल हुने जनाइएको छ।

संसदीय दलले आगामी बैठकहरूमा सरकारका कामकारबाही, समसामयिक राष्ट्रिय मुद्दा तथा जनचासोका विषयलाई कसरी प्रस्तुत गर्ने भन्ने विषयमा साझा धारणा बनाउने तयारी गरेको छ।

कांग्रेसका अनुसार बैठकले संसद्भित्र पार्टीको रणनीति तय गर्नुका साथै सांसदहरूलाई आवश्यक निर्देशनसमेत दिनेछ। हाल विकसित राजनीतिक परिस्थिति र संसद्को कार्यसूचीलाई केन्द्रमा राखेर बैठकमा विस्तृत छलफल हुने बताइएको छ।