२०८३, ३० कार्तिक सोमबार

हतियारधारी भारतीय फौज सुस्ता प्रवेश, बाँध भत्काउँदा प्रतिकारमा ३ नेपाली घाइते

हतियारधारी भारतीय फौज सुस्ता प्रवेश, बाँध भत्काउँदा प्रतिकारमा ३ नेपाली घाइते


नवलपरासी। भारततर्फबाट आएका हतियारधारी सुरक्षाकर्मीले नेपाल–भारत सीमास्थित सुस्ता क्षेत्रमा प्रवेश गरी बाँध भत्काएको आरोप लागेको छ। स्थानीयले प्रतिकार गर्ने क्रममा झडप हुँदा तीन जना नेपाली घाइते भएका छन्।

स्थानीयका अनुसार भारतीय पक्षले सीमावर्ती क्षेत्रमा रहेको बाँध डोजर प्रयोग गरेर भत्काउन खोजेपछि नेपाली बासिन्दाले विरोध गरेका थिए। त्यसक्रममा दुवै पक्षबीच तनाव बढ्दै झडप भएको बताइएको छ। झडपमा तीन जना नेपाली घाइते भएका छन् भने उनीहरूको उपचार भइरहेको जनाइएको छ।

घटनापछि सुस्ता क्षेत्रमा तनावपूर्ण अवस्था सिर्जना भएको छ। स्थानीयले नेपाली सुरक्षा निकाय र सरकारसँग तत्काल घटनास्थलमा पुगेर सीमा अतिक्रमण रोक्न, दोषीमाथि कूटनीतिक पहलमार्फत कारबाही गर्न तथा नेपाली भूमि र नागरिकको सुरक्षाको सुनिश्चितता गर्न माग गरेका छन्।

यस घटनाबारे नेपाली सुरक्षा निकायले तथ्य संकलन गरिरहेको जनाएको छ। भारतीय पक्षबाट भने घटनाबारे औपचारिक प्रतिक्रिया सार्वजनिक भएको छैन।

सुस्ता क्षेत्र लामो समयदेखि नेपाल–भारतबीच सीमा विवाद रहेको संवेदनशील क्षेत्रका रूपमा चिनिन्छ। यसअघि पनि यहाँ सीमा अतिक्रमण, बाँध निर्माण तथा नदीको बहाव परिवर्तनका विषयमा पटक–पटक विवाद हुँदै आएको छ।

प्रकाशित मिति : २०८३, १६ श्रावण आईतबार  ५ : २९ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा