काठमाडौं । देशका विभिन्न स्थानमा उत्पन्न तनावपूर्ण अवस्थाबीच गृह मन्त्रालयमा सुरक्षा निकायका प्रमुख र धार्मिक अगुवाहरूबीच उच्चस्तरीय छलफल सुरु भएको छ।

गृह मन्त्रालयमा नेपाल प्रहरीका प्रहरी महानिरीक्षक (आईजीपी), सशस्त्र प्रहरी बलका महानिरीक्षक (एआईजीपी) तथा अन्य सुरक्षा अधिकारीहरू धार्मिक समुदायका प्रतिनिधिहरूसँग छलफलमा जुटेका हुन्।

छलफलमा मुस्लिम आयोगका अध्यक्ष तथा एक हिन्दु धर्मगुरु सहभागी भएका छन्। साथै, नेपाली सेनाका एक उच्च अधिकारी पनि गृह मन्त्रालय पुगेका छन्।

उता, गृहमन्त्री सुधन गुरुङ भने सुनसरी प्रस्थान गरेका छन्। प्रधानमन्त्री बालेन्द्र शाहसँग भेटवार्ता गरेपछि उनी सुनसरीतर्फ गएको जनाइएको छ।

सुनसरीको देवानगञ्जसहित केही जिल्लामा पछिल्ला दिनहरूमा उत्पन्न तनाव र सुरक्षा अवस्थाबारे छलफल तथा आवश्यक समन्वयका लागि गृह मन्त्रालयमा बैठक बसेको बताइएको छ। गृह मन्त्रालयले बैठकबारे औपचारिक विवरण भने सार्वजनिक गरिसकेको छैन।