काठमाडौं। सुनसरीमा भएको घटनापछि उत्पन्न राजनीतिक तथा सामाजिक परिस्थितिबारे साझा धारणा बनाउन राष्ट्रिय स्वतन्त्र पार्टी (रास्वपा)का सभापति रवि लामिछानेले आह्वान गरेको सर्वदलीय बैठक सुरु भएको छ।

सिंहदरबारस्थित सार्वजनिक लेखा समितिको बैठक कक्षमा जारी बैठकमा प्रमुख राजनीतिक दलका शीर्ष नेताहरू सहभागी भएका छन्। बैठकमा नेपाली कांग्रेसका सभापति गगन थापा, नेकपाका अध्यक्ष पुष्पकमल दाहाल, नेकपा (एमाले)का महासचिव शंकर पोखरेल, राप्रपाका अध्यक्ष राजेन्द्र लिङ्देन, जनमत पार्टीका अध्यक्ष सिके राउतलगायतका नेताहरू उपस्थित छन्।

सुनसरी घटनापछि बढ्दो तनाव, शान्ति–सुरक्षा, सामाजिक सद्भाव तथा समसामयिक राजनीतिक अवस्थाबारे साझा धारणा निर्माण गर्ने उद्देश्यले बैठक बोलाइएको रास्वपाले जनाएको छ।

यसैबीच, बैठकमा सरकारका तर्फबाट प्रधानमन्त्री बालेन्द्र शाह (बालेन) र गृहमन्त्री सुधन गुरुङ सहभागी नभएको विषयले पनि राजनीतिक वृत्तमा थप चर्चा पाएको छ। उनीहरूको अनुपस्थितिबारे भने आधिकारिक कारण सार्वजनिक गरिएको छैन।