२०८३, १ मंसिर मंगलबार

विद्युत् अवरोधदेखि जनताको असन्तुष्टिसम्म, सरकारमाथि शंकर पोखरेलको आक्रामक टिप्पणी

विद्युत् अवरोधदेखि जनताको असन्तुष्टिसम्म, सरकारमाथि शंकर पोखरेलको आक्रामक टिप्पणी


काठमाडौं । नेकपा (एमाले) का महासचिव शंकर पोखरेलले वर्तमान सरकारको कार्यसम्पादनप्रति असन्तुष्टि व्यक्त गर्दै प्रचारभन्दा परिणाममुखी काममा ध्यान दिन सरकारलाई आग्रह गरेका छन्।

च्यासलस्थित एमाले केन्द्रीय कार्यालयमा आयोजित सांसदहरूको प्रशिक्षण कार्यक्रममा बोल्दै पोखरेलले कार्यक्रम सञ्चालन भइरहेका बेला विद्युत् आपूर्ति अवरुद्ध भएको प्रसंगलाई उदाहरण बनाउँदै सरकारको सेवा प्रवाहमाथि प्रश्न उठाए।

उनले नागरिकले दैनिक जीवनमा भोगिरहेका समस्या समाधान हुन नसकेको उल्लेख गर्दै सामाजिक सञ्जालमा हुने प्रचारले मात्र जनताको विश्वास नजित्ने बताए।

पोखरेलका अनुसार जनताले ठूलो अपेक्षासहित दिएको जनादेशको सदुपयोग हुन नसक्दा नागरिकमा निराशा बढ्दै गएको छ। उनले सरकारले जनजीविकासँग जोडिएका आधारभूत सेवामा सुधार ल्याउन नसकेको आरोप लगाए।

उनले सरकारप्रति जनविश्वास कमजोर बन्दै गएको दाबी गर्दै जनताले अनुभूति गर्ने गरी सुशासन, सेवा प्रवाह र विकासका कामलाई प्रभावकारी बनाउनुपर्नेमा जोड दिए। साथै, वर्तमान राजनीतिक परिस्थितिमा प्रतिपक्षले संसद्भित्र र बाहिर अझ जिम्मेवार तथा प्रभावकारी भूमिका निर्वाह गर्नुपर्ने आवश्यकता रहेको पनि उनले बताए।

एमालेले पछिल्लो समय सरकारको कार्यशैली, सेवा प्रवाह र जनअपेक्षा पूरा गर्न नसकेको विषयलाई निरन्तर उठाउँदै आएको छ। त्यसैको निरन्तरतास्वरूप पोखरेलले पनि सरकारको कार्यसम्पादनप्रति आलोचनात्मक टिप्पणी गरेका हुन्।

प्रकाशित मिति : २०८३, २ श्रावण आईतबार  १ : २७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा