२०८३, १ मंसिर मंगलबार

सरकार पछि हट्यो, करार र ज्यालादारी कर्मचारीले साउन १ देखि पुनः हाजिर गर्न पाउने

सरकार पछि हट्यो, करार र ज्यालादारी कर्मचारीले साउन १ देखि पुनः हाजिर गर्न पाउने


काठमाडौं । सरकारले करार तथा दैनिक ज्यालादारी कर्मचारीलाई नयाँ आर्थिक वर्षदेखि सेवाबाट हटाउने निर्णय तत्काल कार्यान्वयन नगर्ने भएको छ। सरकार र अखिल नेपाल सरकारी अस्थायी करार तथा ज्यालादारी श्रमिक संघबीच भएको सहमतिपछि उनीहरूले साउन १ गतेदेखि पूर्ववत् रूपमा हाजिर गर्न पाउने भएका हुन्।

यसअघि सरकारले नयाँ आर्थिक वर्षबाट करार र दैनिक ज्यालादारीमा कार्यरत कर्मचारीको सेवा निरन्तरता नदिने निर्णय गरेको थियो। उक्त निर्णयको विरोधमा श्रमिक संघ आन्दोलनमा उत्रिएपछि बुधबार राति भएको वार्तामा सरकार आफ्नो निर्णयबाट पछि हटेको हो।

भूमि व्यवस्था, सहकारी तथा गरिबी निवारण मन्त्रालय र संघीय मामिला तथा सामान्य प्रशासन मन्त्रालयका तर्फबाट करार तथा ज्यालादारी कर्मचारीलाई तत्कालका लागि यथावत् काममा लगाउने सहमति भएको जनाइएको छ। औपचारिक निर्णय आउन बाँकी रहे पनि सम्बन्धित कर्मचारीलाई हाजिर गर्न दिने तयारी गरिएको छ।

सम्झौताअनुसार सरकारले करार तथा दैनिक ज्यालादारी कर्मचारीको दीर्घकालीन व्यवस्थापनका लागि सरोकारवालासँग छलफल गरी स्पष्ट नीति बनाउने प्रतिबद्धता जनाएको छ।

सरकारको निर्णय कार्यान्वयन भएको भए संघ, प्रदेश र स्थानीय तहमा कार्यरत करिब ५७ हजार करार तथा ज्यालादारी कर्मचारी प्रत्यक्ष प्रभावित हुने थिए। तीमध्ये करिब १४ हजार संघ, ८ हजार प्रदेश र ३५ हजार स्थानीय तहमा कार्यरत छन्।

शिक्षा र स्वास्थ्य क्षेत्रमा कार्यरत करार तथा ज्यालादारी कर्मचारीलाई समेत जोड्दा सेवाबाट प्रभावित हुनेको संख्या २ लाखभन्दा बढी पुग्ने अनुमान गरिएको थियो। नयाँ सहमतिसँगै ती कर्मचारीले तत्कालका लागि राहत पाएका छन्।

प्रकाशित मिति : २०८३, ३१ असार बिहीबार  १ : ३० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा