२०८३, १ मंसिर मंगलबार

डोल्पामा ५५ लाख ९० हजार रुपैयाँसहित दुई जना पक्राउ, रकमको स्रोत खुलेन

डोल्पामा ५५ लाख ९० हजार रुपैयाँसहित दुई जना पक्राउ, रकमको स्रोत खुलेन


डोल्पा । डोल्पामा स्रोत पुष्टि हुन नसकेको ५५ लाख ९० हजार रुपैयाँसहित दुई जनालाई सुरक्षाकर्मीले पक्राउ गरेका छन्। भेरी करिडोर सडकखण्डअन्तर्गत त्रिपुरा सुन्दरी गाउँपालिका–१ त्रिपुराकोटमा गरिएको सवारी जाँचका क्रममा ठूलो परिमाणको नगद बरामद भएको हो।

सशस्त्र प्रहरी बलका अनुसार ठूलीभेरी नगरपालिका–३ दुनैबाट त्रिपुरा सुन्दरी गाउँपालिका–७ छल्ल गाउँतर्फ जाँदै गरेको भे १३ प ९२६५ नम्बरको मोटरसाइकल रोकेर जाँच गर्दा सवार व्यक्तिहरूको झोलाभित्र नगद फेला परेको थियो।

पक्राउ पर्नेमा ठूलीभेरी नगरपालिका–७ का ३२ वर्षीय विष्णुलाल रोकाया र ४२ वर्षीय भक्तिचन्द्र रोकाया रहेका छन्। उनीहरूले बोकेको झोलाबाट ५५ लाख ९० हजार रुपैयाँ बरामद भएपछि रकमको स्रोतबारे सोधपुछ गरिएको थियो। सन्तोषजनक विवरण दिन नसकेपछि दुवैलाई नियन्त्रणमा लिइएको सशस्त्र प्रहरीले जनाएको छ।

त्रिपुराकोटमा सशस्त्र प्रहरी बल नेपाल नम्बर ४६ गुल्म डोल्पा, नेपाल प्रहरी तथा जिल्ला प्रशासन कार्यालयका प्रतिनिधिसहितको संयुक्त टोलीले चेकपोस्ट सञ्चालन गरेर सवारी साधन जाँच गरिरहेको थियो। सोही क्रममा उक्त रकम बरामद भएको हो।

बरामद नगद र पक्राउ परेका दुवै जनालाई थप अनुसन्धान तथा आवश्यक कानुनी प्रक्रियाका लागि प्रहरी चौकी त्रिपुराकोटमा बुझाइएको प्रहरीले जनाएको छ।

प्रकाशित मिति : २०८३, ३१ असार बिहीबार  १ : १० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा