२०८३, १ मंसिर मंगलबार

कोशी सरकारबाट पनि कांग्रेस बाहिरिने तयारी, चार मन्त्रीले आजै राजीनामा दिने

कोशी सरकारबाट पनि कांग्रेस बाहिरिने तयारी, चार मन्त्रीले आजै राजीनामा दिने


विराटनगर । कोशी प्रदेश सरकारमा नेपाली कांग्रेस र नेकपा (एमाले) बीचको सत्ता सहकार्य पनि अन्त्य हुने भएको छ। केन्द्रीय राजनीतिक घटनाक्रमसँगै कांग्रेसले कोशी सरकारबाट आफ्ना मन्त्रीहरू फिर्ता बोलाउने निर्णयतर्फ अघि बढेको हो।

यससँगै कांग्रेसका चार मन्त्रीले आजै पदबाट राजीनामा दिने तयारी गरेका छन्। औपचारिक निर्णयका लागि कांग्रेस प्रदेश संसदीय दलको बैठक बसिरहेको छ।

कोशी सरकारमा कांग्रेसको तर्फबाट भौतिक पूर्वाधार, स्वास्थ्य, उद्योग, कृषि तथा सहकारी, र पर्यटन, वन तथा वातावरण मन्त्रालयको जिम्मेवारी सम्हालिरहेका मन्त्रीहरूले बैठकको निर्णयलगत्तै मुख्यमन्त्री हिक्मत कार्कीसमक्ष राजीनामा बुझाउने तयारी गरेका छन्।

सुदूरपश्चिम प्रदेशमा विकसित सत्ता समीकरण र एमालेसँगको सहकार्य टुटेपछि कांग्रेसले सातै प्रदेशका सरकारमा आफ्नो सहभागिताबारे पुनरावलोकन गर्ने निर्णय गरेको छ। सोही निर्णयअनुसार कोशी प्रदेश सरकारबाट पनि कांग्रेस बाहिरिन लागेको हो।

कोशी प्रदेश कांग्रेसभित्र विभिन्न राजनीतिक विषयमा संस्थापन र इतर समूहबीच मतभेद रहँदै आए पनि सरकारबाट बाहिरिने विषयमा भने दुवै पक्ष एकमत रहेको नेताहरूले बताएका छन्।

कांग्रेसका मन्त्रीहरूले राजीनामा दिएसँगै कोशी प्रदेशको सत्ता समीकरणमा नयाँ मोड आउने र सरकारको आगामी रणनीतिप्रति चासो बढेको छ।

प्रकाशित मिति : २०८३, ३१ असार बिहीबार  १ : ०० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा