२०८३, १ मंसिर मंगलबार

गणेश प्रकरणपछि सडकमा फर्कियो महानगर प्रहरी, ‘सेवा रोकिँदैन’ भन्दै एसएसपी जोशीको सन्देश

गणेश प्रकरणपछि सडकमा फर्कियो महानगर प्रहरी, ‘सेवा रोकिँदैन’ भन्दै एसएसपी जोशीको सन्देश


काठमाडौं । गणेश नेपालीको मृत्यु प्रकरणपछि केही दिन सडकबाट लगभग अदृश्य बनेको काठमाडौं महानगरपालिकाको नगर प्रहरी बल पुनः नियमित रूपमा फिल्डमा फर्किएको छ। महानगरले अब सहरी व्यवस्थापन, पार्किङ नियन्त्रण र विपद् तयारीलाई पुनः तीव्र बनाएको जनाएको छ।

महानगर प्रहरी बलका प्रमुख तथा वरिष्ठ उपरीक्षक (एसएसपी) विष्णुप्रसाद जोशीले नगर प्रहरीलाई नियमित रूपमा परिचालन गरिसकिएको जानकारी दिँदै कुनै पनि परिस्थितिमा जनसेवा नरोकिने स्पष्ट पारे।

उनले गणेश नेपालीको मृत्युलाई दुःखद घटना भन्दै त्यसप्रति महानगर प्रहरी संवेदनशील रहेको बताए। तर, त्यसकै कारण महानगरको सेवा प्रवाह प्रभावित हुन नहुने उल्लेख गर्दै नागरिकको सुरक्षासँग जोडिएका कामलाई निरन्तरता दिइएको बताए।

“नगरबासीको सेवा गर्नु हाम्रो पहिलो दायित्व हो। सहरी सुव्यवस्था कायम राख्ने जिम्मेवारीबाट हामी पछि हट्दैनौँ। नियमको पालना गर्दै जनताको सेवामा निरन्तर खटिनेछौँ,” जोशीले भने।

त्रिपुरेश्वरस्थित राहदानी विभाग अगाडि मोटरसाइकलमा ह्वीललक लगाइएको विषयमा भएको विवादपछि मुगुका गणेश नेपालीले आफ्नै शरीरमा पेट्रोल छर्केर आगो लगाएका थिए। उपचारका क्रममा उनको मृत्यु भएपछि नगर प्रहरीको भूमिकामाथि प्रश्न उठेको थियो। त्यसयता केही दिन सडकमा नगर प्रहरीको उपस्थिति न्यून हुँदा अव्यवस्थित पार्किङ, फुटपाथ अतिक्रमण र सहरी व्यवस्थापनमा असर परेको थियो।

प्रकाशित मिति : २०८३, २९ असार मंगलबार  ६ : ०६ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा