२०८३, १ मंसिर मंगलबार

अमेरिकी आक्रमणपछि इरानको कडा चेतावनी : सहयोग गर्ने खाडी राष्ट्र पनि निशानामा पर्ने

अमेरिकी आक्रमणपछि इरानको कडा चेतावनी : सहयोग गर्ने खाडी राष्ट्र पनि निशानामा पर्ने


काठमाडौं । अमेरिकाले हालै इरानमाथि गरेको आक्रमणपछि इरानले खाडी क्षेत्रका राष्ट्रहरूलाई कडा चेतावनी दिएको छ। आफ्नो विरुद्ध हुने कुनै पनि सैन्य कारबाहीमा सहयोग गरे वा अमेरिकी सेना तथा उसका साझेदारलाई आफ्नो भूमि वा सैन्य अड्डा प्रयोग गर्न दिए ती मुलुकहरू पनि इरानको जवाफी कारबाहीको निशानामा पर्ने इरानले स्पष्ट गरेको हो।

बीबीसी फारसीका अनुसार, इरानको विदेश मन्त्रालयले सोमबार जारी गरेको विज्ञप्तिमा युद्धविराम सम्झौतामा हस्ताक्षर भएको २५ दिनमै अमेरिकाले सम्झौताका अधिकांश प्रावधान उल्लंघन गर्दै आक्रमण गरेको आरोप लगाएको छ।

इरानले अमेरिकी आक्रमणमा आफ्नो यातायात सञ्जाल, माछा मार्ने डुङ्गा, मालवाहक जहाज, मौसम विभागका भवन तथा अन्य सरकारी संरचनामा क्षति पुगेको दाबी गर्दै यसलाई अन्तर्राष्ट्रिय कानुनविपरीतको ‘गम्भीर युद्ध अपराध’ भनेको छ।

विज्ञप्तिमा छिमेकी राष्ट्रहरूले आफ्नो भूमि वा सैन्य अड्डा कुनै पनि आक्रमणकारी मुलुकलाई प्रयोग गर्न नदिनु अन्तर्राष्ट्रिय कानुनअनुसारको दायित्व भएको उल्लेख गरिएको छ।

इरानले आफ्नो सार्वभौमिकता र सुरक्षामाथि हुने कुनै पनि आक्रमणमा प्रत्यक्ष वा अप्रत्यक्ष रूपमा सहयोग गर्ने जुनसुकै स्थानलाई आफ्नो सेनाले वैध सैन्य लक्ष्य मानेर जवाफी कारबाही गर्ने चेतावनी दिएको छ।

प्रकाशित मिति : २०८३, २८ असार सोमबार  ११ : ५० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा