काठमाडौं । नेकपाका पोलिटब्युरो सदस्य डि.बी. कार्कीसहित पार्टीका केन्द्रीय तहका नेताहरू नेकपा (एमाले)मा प्रवेश गरेका छन्।

एमाले अध्यक्ष केपी शर्मा ओलीले पार्टीमा प्रवेश गरेका नेताहरूलाई स्वागत गर्दै उनीहरूलाई सफल राजनीतिक यात्राको शुभकामना व्यक्त गर्नुभयो।

एमालेमा प्रवेश गर्ने नेताहरूमा पोलिटब्युरो सदस्य डि.बी. कार्कीसहित केन्द्रीय सदस्य राधेश्याम गुप्ता (रुपन्देही), विद्याप्रसाद शर्मा (दैलेख), वामदेव गौतम (दाङ), भोला बराल (मोरङ), दीपक इटानी (धादिङ) र रविन्द्र बम (बैतडी) रहेका छन्।

नवप्रवेशी नेताहरूलाई अध्यक्ष ओलीले पार्टीको सदस्यता प्रदान गर्दै संगठनलाई थप सुदृढ बनाउन एकताबद्ध भएर अघि बढ्न आग्रह गर्नुभएको थियो।

एमालेले पछिल्लो समय विभिन्न राजनीतिक दलका नेता तथा कार्यकर्तालाई पार्टीमा समेट्ने अभियानलाई निरन्तरता दिँदै आएको छ।