काठमाडौं । त्रिपुरेश्वरस्थित राहदानी विभागको मुख्य प्रवेशद्वार अगाडि एक पुरुषले शरीरमा ज्वलनशील पदार्थ खन्याएर आगो लगाउँदै आत्मदाहको प्रयास गरेका छन्।
घटनापछि तत्कालै प्रहरी र सर्वसाधारणले आगो निभाई ती पुरुषको उद्धार गरेका थिए। गम्भीर घाइते भएका उनलाई उपचारका लागि वीर अस्पताल भर्ना गरिएको छ।
जिल्ला प्रहरी परिसर काठमाडौंका एसपी पवनकुमार भट्टराईका अनुसार घाइते पुरुषको परिचय अझै खुल्न सकेको छैन। आत्मदाह प्रयास गर्नुको कारण पनि यकिन भइसकेको छैन।
घटनापछि राहदानी विभाग परिसरमा केहीबेर अफरातफरी मच्चिएको थियो। प्रहरीले घटनास्थलबाट आवश्यक प्रमाण संकलन गरी घटनाको कारण र पृष्ठभूमिबारे अनुसन्धान अघि बढाएको जनाएको छ।
प्रतिक्रिया