२०८३, १ मंसिर मंगलबार

मधेस बाहेक ६ प्रदेशमा सरकार हेरफेरको तयारी

मधेस बाहेक ६ प्रदेशमा सरकार हेरफेरको तयारी


काठमाडौं । नेपाली कांग्रेस र नेकपा (एमाले) बीच भएको पूर्वसहमतिअनुसार मधेस प्रदेशबाहेक अन्य ६ वटा प्रदेशमा सरकारको नेतृत्व परिवर्तन गर्ने तयारी अघि बढेको छ। सत्तारूढ गठबन्धनले साउनको पहिलो सातादेखि प्रदेश सरकारहरूको नेतृत्व हेरफेर गर्ने तयारी गरेको एमाले नेताहरूले बताएका छन्।

नेकपा (एमाले) बागमती प्रदेश संसदीय दलका नेता जगन्नाथ थपलियाका अनुसार कांग्रेस र एमालेबीच प्रदेश सरकार आलोपालो नेतृत्व गर्ने समझदारी भएकाले सोही सहमतिअनुसार सरकार परिवर्तनको प्रक्रिया अघि बढ्नेछ।

उनले मधेस प्रदेशमा भने हालै मात्र नयाँ सरकार गठन भएकाले तत्काल नेतृत्व परिवर्तन नहुने बताए। उनका अनुसार अन्य प्रदेशमा भने पूर्वसहमतिकै आधारमा नयाँ नेतृत्व चयन गरिने तयारी भइरहेको छ।

थपलियाले कुन प्रदेशमा कुन दलले नेतृत्व लिने भन्ने विषयमा कांग्रेस र एमालेका शीर्ष नेताबीच छलफलपछि अन्तिम निर्णय हुने स्पष्ट पारे। उनले प्रदेशगत नेतृत्व बाँडफाँटबारे औपचारिक निर्णय हुन बाँकी रहेको बताए।

बागमती प्रदेशको सन्दर्भमा उनले यसअघि एमालेको समर्थनमा अन्य दलबाट मुख्यमन्त्री बनिसकेको उल्लेख गर्दै अबको पालो एमालेको हुने दाबी गरे। संसदीय अभ्यासअनुसार प्रदेश संसदीय दलको नेताले नै मुख्यमन्त्री बन्ने परम्परा रहेको उल्लेख गर्दै बागमतीको नेतृत्वमा आफ्नो स्वाभाविक दाबी रहेको उनको भनाइ छ।

यद्यपि, प्रदेश सरकार हेरफेरको समय, नेतृत्व बाँडफाँट र सम्भावित मुख्यमन्त्रीहरूको टुंगोबारे कांग्रेस र एमाले नेतृत्वले हालसम्म औपचारिक निर्णय सार्वजनिक गरेका छैनन्।

प्रकाशित मिति : २०८३, २२ असार मंगलबार  १० : ०७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा