२०८३, ३० कार्तिक सोमबार

इरानको चेतावनी : ‘खामेनीको हत्याको बदला अवश्य लिनेछौँ’

इरानको चेतावनी : ‘खामेनीको हत्याको बदला अवश्य लिनेछौँ’


काठमाडौं । इरानले पूर्व सर्वोच्च नेता आयतुल्लाह अली खामेनीको हत्याको बदला लिने चेतावनी दिएको छ। इरानको सर्वोच्च राष्ट्रिय सुरक्षा परिषद्का सचिव मोहम्मद बाघेर जोलघद्रले जारी गरेको सन्देशमा खामेनीको हत्या गराउनेहरूमाथि प्रतिशोध लिइने स्पष्ट उल्लेख गरिएको छ।

इरानी सञ्चारमाध्यममा सार्वजनिक गरिएको उक्त सन्देशपछि जोलघद्रले सामाजिक सञ्जाल एक्समार्फत पनि “खामेनीको रगतको हिसाब अवश्य हुनेछ” भन्ने आशयको सन्देश दिएका छन्।

खामेनीको गत फेब्रुअरी २८ मा इरानमाथि अमेरिका–इजरायलको संयुक्त हवाई आक्रमणमा मृत्यु भएको इरानी सरकारी सञ्चारमाध्यमले पुष्टि गरेका थिए। उक्त आक्रमणमा उनका परिवारका केही सदस्यसहित इरानका उच्च सैन्य तथा सुरक्षा अधिकारीहरू पनि मारिएका थिए। त्यसपछि उनका छोरा मोज्तबा खामेनी नयाँ सर्वोच्च नेताका रूपमा चयन भएका छन्।

यसबीच इरानले खामेनीको राजकीय अन्त्येष्टि जुलाई ४ देखि ९ सम्म तेहरान, कोम र मशहदमा गर्ने कार्यक्रम सार्वजनिक गरेको छ। युद्धका कारण मार्चमा तय गरिएको अन्त्येष्टि स्थगित भएपछि नयाँ कार्यतालिका सार्वजनिक गरिएको हो।

इरानको पछिल्लो चेतावनीले मध्यपूर्वमा तनाव पुनः चर्किने संकेत दिएको विश्लेषण गरिएको छ। यद्यपि प्रतिशोध कहिले र कसरी लिइने भन्नेबारे इरानी पक्षले कुनै विवरण सार्वजनिक गरेको छैन।

प्रकाशित मिति : २०८३, १७ असार बिहीबार  ९ : १३ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा