२०८३, ३० कार्तिक सोमबार

महाधिवेशनमै ‘कच्चा तथ्याङ्क’ ! रास्वपाको सदस्यता प्रणालीमाथि गम्भीर प्रश्न

महाधिवेशनमै ‘कच्चा तथ्याङ्क’ ! रास्वपाको सदस्यता प्रणालीमाथि गम्भीर प्रश्न


काठमाडौं । राष्ट्रिय स्वतन्त्र पार्टी (रास्वपा) ले आफ्नो प्रथम महाधिवेशनमा प्रस्तुत सांगठनिक प्रतिवेदनमा १८ वर्षमुनिका ३५ हजार २५७ जना सदस्य रहेको विवरण सार्वजनिक भएपछि आलोचना चुलिएको छ। विवाद बढेपछि पार्टीले उक्त विवरणलाई ‘कच्चा तथ्याङ्क’ भन्दै स्पष्टीकरण दिएको छ।

रास्वपाले महाधिवेशनमा प्रस्तुत गरिएको तथ्याङ्क आधिकारिक सदस्यता अभिलेख नभई डिजिटल प्रणालीमा दर्ता भएका प्रारम्भिक आवेदनको समष्टिगत विवरण मात्र भएको जनाएको छ। पार्टीका अनुसार नागरिकता वा अन्य आधिकारिक कागजातबाट प्रमाणीकरण भएपछि मात्र सदस्यता कायम हुन्छ।

तर राजनीतिक वृत्तमा भने प्रश्न उठेको छ– देशकै ठूलो निर्णय लिने महाधिवेशनमा किन अप्रमाणित तथ्याङ्क समावेश गरियो? आधिकारिक प्रतिवेदनमै प्रमाणीकरण नभएको विवरण राखिनुले पार्टीको आन्तरिक तथ्याङ्क व्यवस्थापन र निर्णय प्रक्रियामाथि गम्भीर प्रश्न खडा गरेको टिप्पणी हुन थालेको छ।

पार्टीले उमेरसम्बन्धी त्रुटिको कारण वि.सं. र ई.सं. छनोटमा गल्ती, जन्ममिति प्रविष्टिमा त्रुटि तथा प्राविधिक कमजोरी रहेको दाबी गरेको छ। हालसम्म दर्ता भएका ५ लाख २३ हजार ४६५ आवेदनमध्ये ३ लाख ९० हजार ११२ जनाको मात्र प्रमाणीकरण भएको र बाँकी प्रक्रिया जारी रहेको जानकारी पनि दिएको छ।

विवादपछि रास्वपाले १८ वर्षभन्दा कम उमेर देखिने आवेदन स्वतः रोक्ने, प्रमाणीकरण भएका विवरण पुनः परीक्षण गर्ने तथा प्रणालीमा प्राविधिक सुधार गर्ने प्रतिबद्धता जनाएको छ।

पार्टीले भ्रम सिर्जना भएको स्वीकार गर्दै दुःख व्यक्त गरे पनि आलोचकहरूले महाधिवेशनजस्तो सर्वोच्च निकायमा प्रस्तुत हुने प्रतिवेदनमा अप्रमाणित तथ्याङ्क समावेश हुनु सामान्य त्रुटि नभई संगठनात्मक कमजोरी भएको टिप्पणी गरेका छन्।

प्रकाशित मिति : २०८३, १६ असार बुधबार  ९ : ३८ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा