काठमाडौं । सञ्चार तथा सूचना प्रविधिमन्त्री डा. विक्रम तिमिल्सिनाले हुलाक सेवालाई सार्वजनिक–निजी साझेदारी (PPP) मोडलमा सञ्चालन गर्ने गरी सरकारले तयारी अघि बढाएको बताएका छन्।

मंगलबार काठमाडौंमा आयोजित हुलाक सेवाको आधुनिकीकरणसम्बन्धी उच्चस्तरीय संवाद कार्यक्रममा बोल्दै मन्त्री तिमिल्सिनाले हुलाक सेवाको प्रभावकारिता बढाउन नीतिगत र संरचनागत सुधार अपरिहार्य रहेको बताए।

उनले सरकारी र निजी क्षेत्रबीचको सहकार्यबाट सेवा प्रवाह थप प्रभावकारी बनाउन सकिने उल्लेख गर्दै हुलाक क्षेत्रको आधुनिकीकरणका लागि आवश्यक सुधारका काम सुरु भइसकेको दाबी गरे।

मन्त्री तिमिल्सिनाले हुलाक सेवासँग सम्बन्धित कर्मचारीलाई सेवा सुधारमा सक्रिय हुन आग्रह गर्दै हुलाकलाई नागरिकले गर्व गर्ने संस्थाका रूपमा विकास गर्न निर्देशन पनि दिए।