२०८३, १ मंसिर मंगलबार

विराटनगरमा कांग्रेस इतर समूहको शक्ति प्रदर्शन : कोइराला–सिटौला–गच्छदार एकै मञ्चमा

विराटनगरमा कांग्रेस इतर समूहको शक्ति प्रदर्शन : कोइराला–सिटौला–गच्छदार एकै मञ्चमा


विराटनगर । नेपाली कांग्रेसको संस्थापन इतर समूहले विराटनगरमा शक्ति प्रदर्शनसहित भेला सम्पन्न गरेको छ। पार्टीभित्र संगठनात्मक सुधार र नेतृत्वमाथि दबाब सिर्जना गर्ने उद्देश्यसहित आयोजना गरिएको उक्त भेलामा शीर्ष नेता डा. शेखर कोइराला, कृष्णप्रसाद सिटौला र विजयकुमार गच्छदार सहभागी भएका छन्।

कोशी प्रदेशका १४ वटै जिल्लाबाट आएका अगुवा कार्यकर्ताको उल्लेखनीय सहभागितासहित सम्पन्न भेलालाई इतर समूहले पार्टी एकता, संगठन सुदृढीकरण र आन्तरिक लोकतन्त्र मजबुत बनाउने प्रयासका रूपमा व्याख्या गरेको छ।

भेलामा नेताहरूले हाल पार्टीभित्र देखिएको गुटगत विभाजन, संगठनात्मक कमजोरी तथा क्रियाशील सदस्यता व्यवस्थापनप्रति असन्तुष्टि व्यक्त गरेका छन्। उनीहरूले पार्टी नेतृत्वले आम कार्यकर्ताको भावना सम्बोधन गर्न नसकेको आरोपसमेत लगाएका छन्।

महामन्त्री भूपेन्द्र राईले यो भेला कुनै व्यक्तिगत वा गुटगत स्वार्थका लागि नभई पार्टीलाई एकताबद्ध बनाउन दबाब समूहका रूपमा प्रस्तुत भएको बताए। उनका अनुसार हालको क्रियाशील सदस्यता अध्यावधिक प्रक्रिया र संगठन सञ्चालनमा देखिएका समस्याप्रति गम्भीर समीक्षा आवश्यक छ।

इतर समूहका नेताहरूले पार्टीलाई पुनः सशक्त, एकताबद्ध र जनमुखी बनाउन नेतृत्व तहले तत्काल सुधारात्मक कदम चाल्नुपर्नेमा जोड दिएका छन्।

राजनीतिक विश्लेषकहरूले विराटनगरको यो भेला कांग्रेसभित्र बढ्दो आन्तरिक असन्तुष्टि र सम्भावित शक्ति सन्तुलन परिवर्तनको संकेतका रूपमा व्याख्या गरेका छन्।

प्रकाशित मिति : २०८३, ३० जेष्ठ आईतबार  १२ : ४५ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा