२०८३, १ मंसिर मंगलबार

सीमादेखि संसदसम्म सरकार विवादमा, प्रधानमन्त्रीको अभिव्यक्ति सच्याउन एमालेको चेतावनी

सीमादेखि संसदसम्म सरकार विवादमा, प्रधानमन्त्रीको अभिव्यक्ति सच्याउन एमालेको चेतावनी


काठमाडौं । नेकपा एमालेले राष्ट्रिय स्वाधीनता, श्रमिक अधिकार र लोकतान्त्रिक मूल्यविरुद्ध सरकार उन्मुख भएको आरोप लगाउँदै प्रधानमन्त्री बालेन शाहलाई आफ्नो अभिव्यक्ति सच्याउन कडा चेतावनी दिएको छ।

बागमती प्रदेश कमिटीको दोस्रो बैठकले पारित गरेको प्रस्तावमा प्रधानमन्त्रीले जेठ ७ गते संघीय संसद्को रोष्ट्रमबाट व्यक्त गरेको ‘भारतले मात्र हाम्रो भूमि मिचेको होइन, हामीले पनि भारतको सीमा मिचेका रहेछौँ’ भन्ने अभिव्यक्तिलाई राष्ट्रहितविपरीत र आपत्तिजनक भन्दै घोर भर्त्सना गरिएको छ। बैठकले नेपालको सार्वभौमिकता र राष्ट्रिय हितसँग जोडिएको विषयमा प्रधानमन्त्रीबाट आएको यस्तो अभिव्यक्तिले मुलुकको आधिकारिक अडान कमजोर बनाएको ठहर गरेको छ।

एमालेले पश्चिम नवलपरासीको सुस्तामा भारतीय सीमा सुरक्षा बल (एसएसबी) प्रवेश गरेको विषयलाई पनि गम्भीर राष्ट्रिय सुरक्षा चुनौतीका रूपमा उठाएको छ। बैठकले घटनाको वास्तविकता सार्वजनिक गर्न, सीमाको सुरक्षा सुनिश्चित गर्न तथा यस्ता गतिविधि पुनः दोहोरिन नदिन प्रभावकारी पहल गर्न सरकारसँग माग गरेको छ।

त्यस्तै, सरकारले संवैधानिक व्यवस्थाविपरीत ट्रेड युनियन खारेज गर्ने निर्णय गरेको आरोप लगाउँदै एमालेले उक्त कदम श्रमिक अधिकारमाथिको हस्तक्षेप भएको जनाएको छ। बैठकले निर्णय तत्काल फिर्ता लिन सरकारलाई आग्रह गरेको छ।

बैठकले अध्यक्ष केपी शर्मा ओलीलाई पितृशोककै अवस्थामा चैत्र १४ गते पक्राउ गरिएको घटनालाई पनि स्मरण गर्दै त्यसलाई राजनीतिक पूर्वाग्रहबाट प्रेरित अमानवीय र निकृष्ट व्यवहारको संज्ञा दिएको छ। एमालेले उक्त घटनाको घोर भर्त्सना गर्दै लोकतान्त्रिक संस्कारमाथिको प्रहार भएको टिप्पणी गरेको छ।

सरकारका पछिल्ला गतिविधिले राष्ट्रिय स्वाभिमान, संवैधानिक व्यवस्था र लोकतान्त्रिक अभ्यासमाथि प्रश्न उठाएको निष्कर्ष निकाल्दै एमालेले यस्ता प्रवृत्ति तत्काल सच्याउन सरकारलाई चेतावनी दिएको छ।

प्रकाशित मिति : २०८३, २९ जेष्ठ शनिबार  १ : १७ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा