पर्सा । वीरगंज महानगरपालिकाका मेयर राजेशमान सिंह लाई प्रहरीले पक्राउ गरेको छ।

जिल्ला प्रहरी कार्यालय पर्साका अनुसार उनलाई आज बिहान ६:१५ बजे पर्साको ठोरी क्षेत्रबाट नियन्त्रणमा लिइएको हो। उनीविरुद्ध जिल्ला अदालत पर्साले यसअघि नै पक्राउ पुर्जी जारी गरेको थियो।

प्रहरीका अनुसार लिखतसम्बन्धी कसुरमा जेठ १२ गते अदालतले मेयर सिंहसहित तीन जनाविरुद्ध पक्राउ पुर्जी जारी गरेको थियो। स्थानीय लियाकत अलीको जाहेरीका आधारमा मुद्दा अघि बढाइएको जनाइएको छ।

पक्राउ परेका सिंहलाई अहिले जिल्ला प्रहरी कार्यालय पर्साको हिरासतमा राखी थप अनुसन्धान तथा सोधपुछ भइरहेको प्रहरीले जनाएको छ।

यस घटनासँगै स्थानीय तहका प्रमुखविरुद्धको कानुनी कारबाही र राजनीतिक वृत्तमा यसको प्रभावबारे चासो बढेको छ।