काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने पाँचदिने भारत भ्रमणका लागि आज प्रस्थान गर्दैछन्। भारतीय जनता पार्टी (भाजपा)का अध्यक्ष नीतिन नवीनको निमन्त्रणामा हुन लागेको भ्रमणका क्रममा उनले नयाँ दिल्लीमा विभिन्न राजनीतिक तथा कूटनीतिक भेटघाट गर्ने कार्यक्रम रहेको छ।

रास्वपाले सार्वजनिक गरेको कार्यसूचीअनुसार लामिछानेले भारतमा रहेका नेपाली समुदाय, शुभेच्छुक तथा समर्थकहरूसँग पनि अन्तरक्रिया गर्नेछन्। भ्रमणका क्रममा उनी अयोध्या समेत जाने कार्यक्रम रहेको बताइएको छ।

भ्रमण टोलीमा रास्वपाका सहमहामन्त्री विपिन कुमार आचार्य, सांसद दीपक बोहोरा, निकिता पौडेल र प्रदीप आचार्य सहभागी छन्। लामिछाने जेठ २२ गते स्वदेश फर्कने कार्यक्रम छ।