काठमाडौं । इरानले युद्ध अन्त्यका लागि संवाद चलिरहेकै बेला संयुक्त राज्य अमेरिकाले आक्रमण गरेको भन्दै कडा विरोध जनाएको छ। इरानको विदेश मन्त्रालयले अमेरिकी कारबाहीले युद्धविरामलाई थप जटिल बनाएको जनाएको हो।

इरानका अनुसार अमेरिकाले दक्षिणी होर्मोजगान क्षेत्रमा हमला गरेको थियो। अमेरिकाले भने आफ्ना कारबाही आत्मरक्षाका लागि गरिएको दाबी गरेको छ।

यसबीच इजरायलले पनि लेबनानमा १२० भन्दा बढी हवाई आक्रमण गरेको बताइएको छ। लेबनानी स्वास्थ्य मन्त्रालयका अनुसार कम्तीमा ३१ जनाको मृत्यु भएको छ।

हाल कतारमा अमेरिका र इरानबीच अप्रत्यक्ष संवाद भइरहेको बताइएको छ। अमेरिकी राष्ट्रपति डोनाल्ड ट्रम्पले अधिकांश विषयमा सहमति नजिक पुगेको बताएका छन्।