काठमाडौं । प्रतिनिधिसभाको आजको बैठकमा निर्वाचन प्रणालीसँग सम्बन्धित दुई वटा संशोधन विधेयक प्रस्तुत गरिएको छ।

प्रधानमन्त्री बालेन शाहको तर्फबाट कानून, न्याय तथा संसदीय मामिला मन्त्री सोविता गौतमले ‘प्रतिनिधि सभा सदस्य निर्वाचन (पहिलो संशोधन) विधेयक, २०८३’ तथा ‘मतदाता नामावली (पहिलो संशोधन) विधेयक, २०८३’ सदनमा टेबुल गरेकी हुन्।

सरकारले निर्वाचन प्रक्रिया थप व्यवस्थित, पारदर्शी र अद्यावधिक बनाउने उद्देश्यसहित विधेयक अघि बढाएको बताइएको छ। विधेयक पेस भएसँगै संसद्मा केही समय सामान्य छलफलसमेत भएको थियो।

यससँगै आजको प्रतिनिधिसभा बैठक समाप्त गरिएको छ। सभामुख डीपी अर्याल ले अर्को बैठक बिहीबार बिहान ११ बजेका लागि बोलाइएको जानकारी दिए।

निर्वाचन कानुनसँग जोडिएका यी संशोधन प्रस्तावलाई आगामी राजनीतिक बहस र शक्ति समीकरणसँग समेत जोडेर हेरिएको छ।