२०८३, ३० कार्तिक सोमबार

विद्या भण्डारीको सदस्यता खुलाउने एमाले निर्णय, पार्टी राजनीतिमा सक्रियताको संकेत

विद्या भण्डारीको सदस्यता खुलाउने एमाले निर्णय, पार्टी राजनीतिमा सक्रियताको संकेत


काठमाडौं । नेकपा एमाले ले पूर्व राष्ट्रपति विद्यादेवी भण्डारी को पार्टी सदस्यता नवीकरण गर्ने निर्णय गरेको छ । सोमबार बसेको एमाले सचिवालय बैठकले भण्डारीको सदस्यता खुलाउने निर्णय गरेको हो ।

पार्टीका उपमहासचिव लेखराज भट्ट ले सचिवालय बैठकपछि सञ्चारकर्मीहरूसँग कुरा गर्दै भण्डारीको सदस्यता नवीकरण गर्ने निर्णय भएको जानकारी दिएका हुन् ।

यसअघि भने भण्डारीको सदस्यता नवीकरण प्रक्रियामाथि विवाद उत्पन्न भएको थियो । एमालेको केन्द्रीय कमिटी र सचिवालय बैठकले पूर्व राष्ट्रपतिको हैसियतमा गरिएको सदस्यता नवीकरण वैधानिक नभएको निष्कर्ष निकाल्दै सदस्यता कायम नगर्ने निर्णय गरेको थियो ।

तर पछिल्लो सचिवालय बैठकले पुरानो निर्णयलाई पुनरावलोकन गर्दै सदस्यता खुलाउने निर्णय गरेपछि एमालेभित्र नयाँ राजनीतिक सन्देश गएको विश्लेषण गरिएको छ । यसलाई पूर्व राष्ट्रपति भण्डारीलाई पुनः पार्टी राजनीतिमा सक्रिय बनाउने संकेतका रूपमा समेत हेरिएको छ ।

राष्ट्रपति पदबाट बाहिरिएपछि भण्डारी लामो समय औपचारिक राजनीतिक गतिविधिबाट टाढा रहेकी थिइन् । तर एमालेभित्र पछिल्लो समय संगठनात्मक पुनर्संरचना, शक्ति सन्तुलन र आगामी राजनीतिक रणनीतिका सन्दर्भमा उनको भूमिकाबारे चर्चा बढिरहेका बेला आएको यो निर्णयलाई अर्थपूर्ण रूपमा हेरिएको छ ।

एमाले वृत्तमा भण्डारीको सक्रियता आगामी दिनमा पार्टीभित्र वैचारिक तथा संगठनात्मक प्रभाव विस्तारसँग जोडिन सक्ने चर्चा समेत सुरु भएको छ ।

प्रकाशित मिति : २०८३, ३ जेष्ठ सोमबार  ६ : १४ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा