२०८३, ३० कार्तिक सोमबार

एमाले सचिवालय बैठकमा ११ एजेन्डा प्रवेश, संगठनदेखि सरकार समीक्षा सम्मको बहस

एमाले सचिवालय बैठकमा ११ एजेन्डा प्रवेश, संगठनदेखि सरकार समीक्षा सम्मको बहस


काठमाडौं । नेकपा एमाले को सचिवालय बैठकमा पार्टीको आन्तरिक व्यवस्थापनदेखि सरकारको कामकारबाहीसम्मका विषयमा व्यापक छलफल सुरु भएको छ । अध्यक्ष केपी शर्मा ओली निवास गुण्डुमा बसेको बैठकमा ११ वटा महत्वपूर्ण एजेन्डा प्रस्तुत गरिएको हो ।

उपमहासचिव लेखराज भट्ट का अनुसार बैठक सौहार्दपूर्ण वातावरणमा सम्पन्न भएको छ भने सचिवालयको अर्को बैठक जेठ ८ गते बस्ने तय गरिएको छ ।

बैठकमा सबैभन्दा बढी चासोको विषय पदाधिकारीहरुको वरियताक्रम र नेताहरुको जिम्मेवारी बाँडफाँट बनेको छ । महाधिवेशनपछि लामो समयसम्म कार्यविभाजन टुंगिन नसकेको अवस्थामा एमाले अब संगठनलाई सक्रिय बनाउने मोडमा पुगेको नेताहरुले बताएका छन् ।

सदस्यता नवीकरण तथा विस्तार अभियानलाई तीव्र बनाउने, केन्द्रीय सदस्यहरुलाई जिम्मेवारीसहित मैदानमा खटाउने तथा पार्टी संरचनालाई स्थानीय तहसम्म प्रभावकारी बनाउने रणनीतिमा एमाले केन्द्रित देखिएको छ ।

यस्तै, बैठकमा सरकारको कामको समीक्षा पनि प्रमुख एजेन्डाका रूपमा उठाइएको छ । जनतासँग जोडिएका मुद्दामा सरकार प्रभावकारी बन्न नसकेको, सुशासन र सेवा प्रवाहमा कमजोरी देखिएको लगायत विषयमा नेताहरुले धारणा राखेको स्रोतको भनाइ छ ।

एमालेले अब संविधान संशोधनको बहसलाई पनि औपचारिक रूपमा अघि बढाउने संकेत दिएको छ । त्यसका लागि सुझाव संकलन गर्न कार्यदल गठन गर्ने तयारी गरिएको छ । साथै, पछिल्लो निर्वाचनको समीक्षा प्रतिवेदन तयार पार्न छुट्टै कार्यदल बनाउने विषयमा पनि छलफल भएको छ ।

बैठकमा पार्टीको दीर्घकालीन संरचनागत योजनामाथि समेत चर्चा भएको छ । केन्द्रीय कार्यालय भवन निर्माण, पार्टी सम्पत्ति व्यवस्थापन तथा नीति अध्ययन एवं अनुसन्धान प्रतिष्ठानलाई सक्रिय बनाउने विषयलाई एमालेले प्राथमिकतामा राखेको छ ।

अध्यक्ष ओलीले बैठकलाई सम्बोधन गर्दै संगठनलाई अझ चलायमान, अनुशासित र परिणाममुखी बनाउन निर्देशन दिएका थिए । उनले आगामी राजनीतिक चुनौती सामना गर्न पार्टी पंक्तिलाई जनतामाझ अझ सशक्त रूपमा उत्रिनुपर्नेमा जोड दिएको एमाले स्रोतले जनाएको छ ।

एमाले अहिले संगठन पुनर्गठन, नेतृत्व व्यवस्थापन र आगामी निर्वाचन केन्द्रित तयारीलाई समानान्तर रूपमा अगाडि बढाउने रणनीतिमा देखिएको छ ।

प्रकाशित मिति : २०८३, ३ जेष्ठ सोमबार  ६ : १० बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा