काठमाडौं । आईसीसी विश्वकप लिग–२ अन्तर्गत जारी खेलमा स्कटल्याण्ड १९४ रनमै समेटिएको छ। कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा टस जितेर पहिले ब्याटिङ गरेको स्कटल्याण्ड ३९.१ ओभरमा अलआउट भयो।

स्कटल्याण्डका लागि ब्रेन्डन म्याकमुलेनले सर्वाधिक ७७ रनको योगदान दिए। त्यस्तै माइकल लिस्कले अर्धशतक प्रहार गरे भने जर्ज मुन्सीले २१ तथा मार्क वाटले २० रन जोडे। अन्य ब्याट्सम्यान भने दोहोरो अंकमा पुग्न सकेनन्।

नेपालका लागि बलिङतर्फ उत्कृष्ट प्रदर्शन देखियो। ललित राजवंशी ले ४ विकेट लिए भने सन्दीप लामिछाने ले ३ विकेट हात पारे। नन्दन यादव, दीपेन्द्र सिंह ऐरी र सोमपाल कामीले एक–एक विकेट लिए।

यसै खेलमा सन्दीप लामिछानेले एकदिवसीय क्रिकेटमा सबैभन्दा छिटो १५० विकेट पूरा गर्दै ऐतिहासिक उपलब्धि हासिल गरेका छन्। उनले ७३ खेलमै यो कीर्तिमान बनाएका हुन्। यसअघि यो रेकर्ड अष्ट्रेलियाका मिचेल स्टार्कको नाममा थियो, जसले ७७ खेलमा १५० विकेट पूरा गरेका थिए।

यससँगै नेपालले जितका लागि १९५ रनको लक्ष्य पाएको छ।