२०८३, १ मंसिर मंगलबार

नेताहरुको कार्यविभाजन केन्द्रित एमाले सचिवालय बैठक आज, केन्द्रीय सदस्यलाई पालिका इञ्चार्ज बनाइँदै

नेताहरुको कार्यविभाजन केन्द्रित एमाले सचिवालय बैठक आज, केन्द्रीय सदस्यलाई पालिका इञ्चार्ज बनाइँदै


काठमाडौं । सत्तारुढ दल नेकपा एमाले को केन्द्रीय सचिवालय बैठक आज बस्दैछ । पार्टी अध्यक्ष केपी शर्मा ओली निवास गुण्डुमा दिउँसो १ बजे बैठक बस्ने भएको हो । कार्यालय सचिव डा. भिष्म अधिकारीका अनुसार बैठकको मुख्य एजेण्डा नेताहरुको कार्यविभाजन र संगठन सुदृढीकरण रहनेछ ।

यसअघि जेठ २ गतेका लागि तय गरिएको बैठक तयारी अपुग भएको भन्दै आजका लागि सारिएको थियो । ११औँ महाधिवेशन सम्पन्न भएको लामो समय बितिसक्दा पनि नेताहरुको जिम्मेवारी टुंगो नलागेकाले आजको बैठकलाई एमालेभित्र विशेष महत्वका साथ हेरिएको छ ।

पार्टी स्रोतका अनुसार एमालेले अब संगठनलाई पालिकास्तरसम्म प्रभावकारी ढंगले परिचालन गर्ने रणनीति अघि बढाएको छ । सोहीअनुसार प्रत्येक केन्द्रीय सदस्यलाई पालिकास्तरको इञ्चार्ज बनाएर खटाउने तयारी गरिएको छ । आगामी स्थानीय तह निर्वाचनलाई लक्षित गर्दै पार्टीको जनाधार थप मजबुत बनाउने, संगठनलाई चलायमान बनाउने तथा जनतामाझ प्रत्यक्ष सम्पर्क बढाउने उद्देश्यसहित यस्तो मोडालिटी ल्याउन लागिएको बताइएको छ ।

बैठकमा केन्द्रीय विभाग, जनसंगठन तथा विभिन्न निकायमा समेत जिम्मेवारी बाँडफाँट गर्ने तयारी छ । महाधिवेशनपछि नेतृत्व चयन भए पनि जिम्मेवारी बाँडफाँट ढिलाइ हुँदा पार्टीभित्र असन्तुष्टि बढिरहेको बेला सचिवालय बैठकबाट त्यसलाई टुंगो लगाउने अपेक्षा गरिएको छ ।

यस्तै, फागुनमा सम्पन्न निर्वाचनको समीक्षा गर्न केन्द्रीय कमिटी बैठकको मिति तय गर्ने विषयमा पनि छलफल हुने जनाइएको छ । पार्टीले पछिल्लो राजनीतिक अवस्थाबारे व्यापक समीक्षा गर्दै आगामी रणनीति तय गर्ने तयारी गरेको एमाले नेताहरुले बताएका छन् ।

बैठकमा सरकारले सुकुम्बासी बस्ती हटाउने क्रममा अपनाएको शैली, विस्थापित नागरिकको व्यवस्थापन तथा सरकारका पछिल्ला कामकारबाहीका कारण जनतामा परेको असरबारे पनि गम्भीर छलफल हुने एमाले स्रोतले जनाएको छ । विपक्षी दलमाथि राजनीतिक प्रतिशोध साँध्ने र जनजीविकाका सवाल बेवास्ता गर्ने काम भएको भन्दै एमालेले सरकारको आलोचना गर्ने तयारी गरेको बुझिएको छ ।

एमालेभित्र अहिले संगठन पुनः सक्रिय बनाउने, कार्यकर्तालाई पुनर्गठित गर्ने र स्थानीय तहसम्म पार्टीको पकड बलियो बनाउने अभियान तीव्र पारिएको छ । सचिवालय बैठकलाई सोही अभियानको निर्णायक सुरुवातका रूपमा समेत हेरिएको छ ।

प्रकाशित मिति : २०८३, ३ जेष्ठ सोमबार  १० : ४२ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा