काठमाडौं । संघीय संसद्को बजेट अधिवेशन आजदेखि सुरु हुँदैछ। संघीय संसद् का महासचिव पद्यप्रसाद पाण्डेका अनुसार आज अपराह्न ४ बजे संघीय संसद्को संयुक्त बैठक बस्नेछ।

आजको बैठकमा रामचन्द्र पौडेल ले नेपालको संविधानको धारा ९५ बमोजिम सरकारको आगामी आर्थिक वर्षको नीति तथा कार्यक्रम प्रस्तुत गर्ने कार्यसूची रहेको छ।

नीति तथा कार्यक्रम संघीय संसद्को संयुक्त बैठकमा प्रस्तुत गरिने भएकाले सांसदहरूलाई दिउँसो ३ः४५ बजेसम्म प्रतिनिधिसभा कक्ष (बहुउद्देश्यीय भवन), सिंहदरबारमा उपस्थित हुन आग्रह गरिएको संसद् सचिवालयले जनाएको छ।

सरकारको नीति तथा कार्यक्रमलाई आगामी आर्थिक वर्षको बजेट तथा योजनाको आधारका रूपमा हेरिने भएकाले यसको विशेष राजनीतिक तथा आर्थिक महत्व रहेको छ।