२०८३, १ मंसिर मंगलबार

प्रधान न्यायाधीश सिफारिसको असर : सर्वोच्च अदालतको पेसी सूची प्रकाशनमा ढिलाइ

प्रधान न्यायाधीश सिफारिसको असर : सर्वोच्च अदालतको पेसी सूची प्रकाशनमा ढिलाइ


काठमाडौं । वरीयता र स्थापित परम्परा मिचेर चौथो वरीयताका न्यायाधीश मनोजकुमार शर्मालाई प्रधान न्यायाधीशमा सिफारिस गरिएको विषयले सर्वोच्च अदालतभित्र तरंग सिर्जना गरेको छ । यसको प्रत्यक्ष असर दैनिक न्यायिक कार्यसम्पादनमा समेत देखिएको छ ।

सामान्यतया बिहान साढे ९ देखि पौने १० बजेसम्म सार्वजनिक हुने सर्वोच्च अदालतको दैनिक पेसी सूची शुक्रबार ११ बज्दासम्म पनि वेबसाइटमा प्रकाशन हुन सकेन ।

सर्वोच्च स्रोतका अनुसार प्रधान न्यायाधीश सिफारिसपछिको अवस्थाबारे न्यायाधीशहरूबीच छलफल जारी रहेकाले गोला तान्ने प्रक्रिया प्रभावित भएको हो । सर्वोच्च अदालतमा इजलास गठनका लागि न्यायाधीशहरूबीच गोला तान्ने अभ्यास रहँदै आएको छ ।

यसैबीच न्यायाधीशहरू र सर्वोच्च अदालत प्रशासनका उच्च अधिकारीहरूबीच आन्तरिक बैठक जारी रहेको बताइएको छ । बैठकबाट कुनै निष्कर्ष वा औपचारिक जानकारी बाहिर नआएको पेसी व्यवस्थापनमा संलग्न कर्मचारीहरूले बताएका छन् ।

पेसी सूची सार्वजनिक हुन ढिलाइ भएपछि मुद्दाका पक्षकार, कानून व्यवसायी तथा सेवाग्राहीहरू अन्योलमा परेका छन् । सर्वोच्च अदालत परिसरमा बिहानैदेखि उपस्थित भएका धेरै कानून व्यवसायीहरू पेसी सूचीको प्रतीक्षामा देखिएका छन् ।

प्रधान न्यायाधीश नियुक्तिमा वरीयताको परम्परा तोडिएको भन्दै न्यायिक वृत्तमा विभिन्न प्रतिक्रिया आइरहेका बेला सर्वोच्च अदालतको आन्तरिक वातावरणसमेत प्रभावित भएको देखिएको छ ।

प्रकाशित मिति : २०८३, २४ बैशाख शुक्रबार  १२ : ०८ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा