मकवानपुर । आज बिहान करिब ८ बजे भद्रकाली मन्दिरमा नेपाली चलचित्र “सारथी” को शुभ मुहूर्त कार्यक्रम सम्पन्न भएको छ।
सारथी चलचित्रमार्फत निरुता सिंह र उत्तम प्रधानले चरित्र अभिनेत्री अभिनेताको रूपमा पुनरागमन गर्ने भएका छन् भने, मुख्य भूमिकामा नयाँ अनुहार गिरी विश्वकर्मा र गायत्री जोशी देखिनेछन्। साथै मुकुन्द श्रेष्ठ, सम्रान्त थापा, मदन थापा, मिलन खड्का, रश्मी गुरुङ, तुलसी राई र आशा विश्वकर्मा लगायत कलाकारहरू को यस चलचित्रमा अभिनय रहनेछ । किम्भे प्रोडक्सनको ब्यानर तथा धीरज इन्फिनिटी फिल्म्स प्रा. लि. को सहकार्य रहेको चलचित्र “सारथी” धवालगीरिको काखमा रहेको म्यग्दीको गुर्जा गाउँमा छायाँङकन गरिने छ । चलचित्रमा त्यही गाउँको सत्य घटना लाई मुख्य विषय बनाएर दर्शकहरु सामु पस्कन लागिएको निर्देशक कुमार गजुरेलले जानकारी दिनुभयो ।

चलचित्रका प्रस्तुतकर्ता तारा थापा ‘किम्भे’ रहेका छन् भने निर्माता सौर्यल थापा हुन्। कार्यकारी निर्मातामा रदिप श्रेष्ठ र प्रदिप रायमाझी रहेका छन्। लाइन प्रोड्युसरको रूपमा अमीर के.सी संलग्न छन् भने सिनेम्याटो ग्राफर संकल्प भुजेल, चलचित्र निर्देशन कुमार गजुरेल ले गर्नेछन्।