काठमाडौं । सरकारले फेरी शनिबार र आइतबार सार्वजनिक बिदा दिने निर्णय गरेको छ। आज (चैत २३ गते) बसेको मन्त्रिपरिषद्को बैठकले यस निर्णयलाई औपचारिक रूपमा पारित गरेको सरकारका प्रवक्ता सस्मित पोखरेलले जानकारी दिएका छन्।

पेट्रोलियम आपूर्तिमा सहजता र व्यवस्थापनलाई ध्यानमा राख्दै लागू हुने यो निर्णयअनुसार, सरकारी कार्यालय तथा सम्पूर्ण शैक्षिक संस्था शनिबार र आइतबार बिदा रहनेछन्।

उनले भनेका छन्, “शैक्षिक संस्थाबाहेक सरकारी कार्यालयहरूको कार्यालय समय बिहान ९ बजेबाट साँझ ५ बजे सम्म कायम रहनेछ।”

सरकारको यो निर्णयले कर्मचारीहरू र विद्यार्थीहरूलाई अतिरिक्त आरामको अवसर दिने अपेक्षा गरिएको छ भने पेट्रोलियम आपूर्तिमा सहजता कायम रहने विश्वास गरिएको छ।