काठमाडौं । दक्षिण लेबनानमा (युनिफिल) का शान्ति सैनिकमाथि भएको आक्रमणमा दुई जनाको मृत्यु भएको छ भने एक जना घाइते भएका छन्।

बानी हय्यान नजिक भएको विस्फोटमा शान्ति सैनिक सवार गाडी क्षतिग्रस्त भएको युनिफिलले जनाएको छ। यसअघि पनि सो क्षेत्रमा आक्रमणका घटना भइरहेका छन्।

मृतकमध्ये एक जना इन्डोनेसियाका सैनिक रहेको पुष्टि भएको छ। इन्डोनेसियाले घटनाको निन्दा गर्दै निष्पक्ष अनुसन्धानको माग गरेको छ।

घटनाप्रति संयुक्त राष्ट्रसंघका महासचिव एन्टोनियो गुटेरेसले चिन्ता व्यक्त गर्दै शान्ति सैनिकको सुरक्षा सुनिश्चित गर्न आग्रह गरेका छन्।

पछिल्ला दिनमा इजरायल र हेजबोल्लाहबीच बढ्दो तनावका कारण दक्षिण लेबनानमा हिंसा चर्किँदै गएको छ।