काठमाडौं । केही घन्टादेखि सम्पर्कविहीन रहेको मुस्ताङ एयरको हेलिकप्टर अन्ततः फेला परेको छ। उक्त हेलिकप्टर अपर लाप्चे गुम्बा क्षेत्रमा सुरक्षित रूपमा अवतरण गरेको पुष्टि भएको छ।
लाप्चे जलविद्युत आयोजनाका सञ्चालक तथा स्वतन्त्र ऊर्जा उत्पादक संघका उपाध्यक्ष भरत खत्रीका अनुसार हेलिकप्टरमा रहेका पाइलटसहित ५ जना यात्रु सकुशल रहेका छन्।
हेलिकप्टर सम्पर्कविहीन भएपछि खोज तथा उद्धार टोली परिचालन गरिएको थियो। सुरक्षित अवतरण भएको जानकारी प्राप्त भएसँगै सम्बन्धित निकाय तथा यात्रुका परिवारजनमा राहत महसुस भएको छ।
प्रतिक्रिया