काठमाडौँ । इरानका सर्वोच्च नेता मोजतबा खामेनी सार्वजनिक भएका छन्। उनले फारसी नयाँ वर्ष नवरोज का अवसरमा जारी गरेको लिखित सन्देशमार्फत विभिन्न क्षेत्रीय घटनाक्रमबारे आफ्नो धारणा सार्वजनिक गरेका हुन्।

सरकारी टेलिभिजनमार्फत सार्वजनिक गरिएको नौ पृष्ठ लामो सन्देशमा खामेनीले टर्की र ओमानका केही क्षेत्रमा भएका हमलामा इरानको कुनै संलग्नता नरहेको स्पष्ट पारेका छन्। उनले इरानले आफ्ना छिमेकी राष्ट्रहरूसँग मैत्रीपूर्ण सम्बन्ध कायम राख्न चाहेको उल्लेख गरेका छन्।

खामेनीले विशेषगरी पाकिस्तानलाई आफ्ना पिता अली खामेनी को ‘विशेष रुचाइएको देश’ भएको भन्दै उल्लेख गरेका छन्। साथै उनले पाकिस्तान र अफगानिस्तानबीच सम्बन्ध सुधार गर्न आह्वान गर्दै आवश्यक सहयोगका लागि आफू तयार रहेको बताएका छन्।

इजरायल र अमेरिकासँगको तनावपूर्ण अवस्थाबीच छिमेकी देशहरूमा भएका हमलाबारे टिप्पणी गर्दै उनले भनेका छन् कि टर्की र ओमानमा भएका आक्रमणहरू इरानको सेना वा तथाकथित ‘रेजिस्टेन्स फ्रन्ट’का कुनै पनि समूहबाट नभएको दाबी गरे।

उनले यस्ता घटनामार्फत इजरायल ले इरान र उसका छिमेकीहरूबीच फूट पैदा गर्न खोजेको आरोपसमेत लगाएका छन्।

यसैबीच, गत शनिबार अमेरिका ले खामेनीसहित शीर्ष १० नेताबारे सुराकी दिने व्यक्तिलाई १ करोड डलर पुरस्कार दिने घोषणा गरेको थियो।