काठमाडौँ । गगन थापा ले नेपाली कांग्रेसको सभापति पदबाट राजीनामा दिएका छन्। निर्वाचन परिणामपछि नै उनले नैतिक जिम्मेवारी लिँदै राजीनामा दिने मनस्थिति बनाएको बताइएको छ। पार्टीभित्रका केही नेताहरूले पनि उनलाई नैतिकताको आधारमा पद छाड्न सुझाव दिएका थिए।

थापाले आफ्नो राजीनामा पार्टीका उपसभापति विश्वप्रकाश शर्मा लाई बुझाएका हुन्। यद्यपि, राजीनामाबारे औपचारिक सार्वजनिक जानकारी भने अझै गरिएको छैन। पार्टीका सहमहामन्त्री प्रकाश रसाइली का अनुसार, “निर्वाचनमा अप्रत्याशित नतिजाको नैतिक जिम्मेवारी लिँदै उहाँले राजीनामा दिनुभएको हो। राजीनामाबारे भोलि छलफल हुनेछ।”

थापा पुस २७ देखि ३० गतेसम्म भृकुटीमण्डप मा सम्पन्न कांग्रेस विशेष महाधिवेशनबाट सभापतिमा चयन भएका थिए। उनी प्रतिनिधि सभा निर्वाचनमा सर्लाही–४ बाट समेत पराजित भएका थिए। आमनिर्वाचनको समीक्षा गर्न नेपाली कांग्रेसको केन्द्रीय कार्यसमितिको बैठक शुक्रबार बस्नेछ, जहाँ महाधिवेशन र समग्र राजनीतिक अवस्थाबारे समेत छलफल हुने बताइएको छ।