काठमाडौं । समानुपातिकतर्फका प्रतिनिधिसभा सदस्यहरूलाई भोलि प्रमाणपत्र प्रदान गरिने भएको छ।
निर्वाचन आयोगले १ सय १० जना समानुपातिक सांसदलाई भोलि बिहान साढे ११ बजे प्रमाणपत्र दिने तयारी गरेको जनाएको छ।
प्राप्त विवरणअनुसार राष्ट्रिय स्वतन्त्र पार्टी (रास्वपा) बाट ५७ जना, नेपाली कांग्रेसबाट २० जना, नेकपा एमालेबाट १६ जना, नेपाल कम्युनिष्ट पार्टीबाट ९ जना, श्रम संस्कृति पार्टी र राष्ट्रिय प्रजातन्त्र पार्टीबाट ४–४ जना सांसदले प्रमाणपत्र प्राप्त गर्नेछन्।
प्रमाणपत्र वितरणसँगै समानुपातिकतर्फको प्रतिनिधित्व औपचारिक रूपमा सुनिश्चित हुने जनाइएको छ।
प्रतिक्रिया