काठमाडौं । नेकपा एमालेको सचिवालय बैठक अहिले जारी छ। २१ फागुनमा सम्पन्न निर्वाचनको समीक्षा गर्नुका साथै समानुपातिक सांसदको नाम टुंगो लगाउने उद्देश्यले यो बैठक बसाइएको हो। बैठक अध्यक्ष केपी शर्मा ओलीको निवास गुण्डुमा भइरहेको छ।
केन्द्रीय कार्यालयका सचिव डा. भीष्म अधिकारीका अनुसार बैठकमा समानुपातिकतर्फ निर्वाचित सांसदको नाम टुंगो लगाउने र निर्वाचनको समीक्षा गर्ने कार्य हुनेछ।
निर्वाचन आयोगले आज प्रतिनिधिसभा सदस्य निर्वाचनअन्तर्गत समानुपातिक उम्मेदवारका नाम राजनीतिक दलहरूलाई सिफारिस गर्न तोकेको समयसीमा भित्र दलहरूले आफ्नो प्रस्ताव पेश गर्नुपर्नेछ।
प्रतिक्रिया