काठमाडौँ । रौतहटमा जारी गरिएको अनिश्चितकालीन कर्फ्युका कारण रौतहट जिल्ला अदालत का आजका सम्पूर्ण कामकारबाही स्थगित गरिएको छ।
जिल्ला प्रशासन कार्यालय रौतहट, गौरले गौर नगरपालिका क्षेत्रमा अर्को आदेश नभएसम्मका लागि आवतजावत, भेला, सभा, जुलुस तथा प्रदर्शनमा रोक लगाउँदै कर्फ्यु आदेश जारी गरेको छ। प्रशासनको उक्त निर्णयसँगै अदालतका नियमित सेवा प्रभावित भएका हुन्।
अदालतले सूचना जारी गर्दै आज प्रदान गरिने सम्पूर्ण सेवा स्थगित रहने जनाएको छ। साथै, आजका लागि तोकिएका तारिख तथा म्याद नगुज्रिने समेत स्पष्ट गरिएको छ।
कर्फ्युका कारण जिल्लामा जनजीवन प्रभावित भएको छ भने सुरक्षा व्यवस्था कडा पारिएको जनाइएको छ।
प्रतिक्रिया