काठमाडौं । राष्ट्रिय स्वतन्त्र पार्टी (रास्वपा)का कार्यकर्ताले बिहीबार राति नेकपा ९एमाले०को चुनाव चिन्ह ‘सूर्य’ अंकित झण्डा जलाएका छन्। यस घटनाले एमालेमा गम्भीर चर्को आपत्ति जनाएको छ।

एमालेले आज जारी गरेको विज्ञप्तिमा यो घटनालाई “देश जलाउनेहरूद्वारा लोकतन्त्र र संविधानविरुद्धको अपराध” भनेर वर्णन गरिएको छ। पार्टीका अनुसार महासचिव शंकर पोखरेलको गृहनगरमा भएको यो घटना राज्य, जनता र लोकतन्त्रविरुद्धको अपराधजन्य कार्य हो।

एमालेले निर्वाचन आयोगसँग झण्डा जलाउने दल र त्यसका कार्यकर्ताहरूलाई तत्कालै प्रष्टिकरण माग्न जोडदार अनुरोध गरेको छ। कानुनी कारबाही नगरेमा त्यसबाट उत्पन्न हुने जिम्मेवारी सरकार, निर्वाचन आयोग र रास्वपामा पर्ने चेतावनी पनि जारी गरिएको छ।

एमालेका प्रेस संयोजक मीनबहादुर शाहीले भने, “देश जलाउने र बनाउनेबीचको चुनावमा यस्तो घटनाले लोकतन्त्रको मर्म उल्लङ्घन गर्दछ। हाम्रो पार्टी कानुनी शासनको सम्मान गर्दै सम्बन्धित निकायलाई ध्यानाकर्षण गराउँदैछ।”