काभ्रे। काभ्रे निर्वाचन क्षेत्र नं. १ अन्तर्गत डाँडापारी क्षेत्रमा चुनावी माहोल तातेको छ। गाउँ-बस्तीमा भइरहेको घरदैलो अभियानका क्रममा नेपाल कम्युनिस्ट पार्टी (एमाले) प्रति स्थानीयवासीको आकर्षण बढ्दो देखिएको छ।

एमालेका उम्मेदवार अमित लामा डाँडापारीका खानीखोला र महाभारतका विभिन्न बस्तीमा पुगेर मतदातासँग प्रत्यक्ष संवाद गरिरहेका छन्। स्थानीय पूर्वाधार, सडक विस्तार, खानेपानी, शिक्षा र स्वास्थ्य सेवाको सुधारलाई प्राथमिकतामा राख्दै उनले डाँडापारी क्षेत्रलाई विकासको नयाँ ढाँचामा अघि बढाउने प्रतिबद्धता व्यक्त गरेका छन्। “डाँडापारीलाई अवसर र पूर्वाधारको हिसाबले पछि पर्न दिन्नौं। योजनाबद्ध विकासमार्फत यस क्षेत्रलाई नमुना बनाउने लक्ष्य छ,” लामाले घरदैलो कार्यक्रममा बताएका छन्।

स्थानीय बासिन्दासँगको भेटघाटमा लामाले युवालाई रोजगारी, कृषिमा आधुनिकीकरण, पर्यटन सम्भावनाको प्रवर्द्धन र भौतिक पूर्वाधार निर्माणलाई मुख्य एजेन्डा बनाएका छन्।

आगामी निर्वाचन नजिकिँदै जाँदा डाँडापारी क्षेत्रमा एमालेको पक्षमा सकारात्मक लहर देखिएको समर्थकहरूको भनाइ छ। विकास र स्थायित्वको नारासहित मैदानमा उत्रिएका अमित लामाले डाँडापारीलाई प्राथमिकतामा राख्ने प्रतिबद्धता दोहोर्‍याउँदै चुनावी अभियानलाई तीव्र बनाएका छन्।