काठमाडौँ । नेकपा एमालेका अध्यक्ष केपी शर्मा ओली आज मंगलबार झापाको गाैरादह नगरपालिकामा स्थानीयवासीसँग भेटघाट कार्यक्रममा सहभागी हुँदैछन्।

नेकपा एमाले गाैरादह नगर चुनाव प्रचार–प्रसार समन्वय समितिका संयोजक गजेन्द्र घिमिरेका अनुसार अध्यक्ष ओलीले गाैरादह नगरपालिकाका वडा नं. ४, ५ र ६ का विभिन्न स्थानमा पुगेर स्थानीयसँग प्रत्यक्ष संवाद गर्ने कार्यक्रम तय गरिएको छ।

समितिका अनुसार मध्याह्न ११ बजेदेखि वालुवथान, कोहबरा र चप्रमारी बजारमा भेटघाट कार्यक्रम हुनेछ। त्यसपछि दिउँसो १ बजे तेलियाडाँगी, १ः३० बजे दामुना, २ बजे सिह्रडुब्बा र २ः३० बजे आरतिनगरमा कार्यक्रम आयोजना गरिएको छ।

यस्तै, अपराह्न ३ बजे डोरामारी, ३ः३० बजे स्कुलचोक बजार हुँदै जत्रुचोक खाङ्टामा पुगेर भेटघाट कार्यक्रम सम्पन्न हुने जनाइएको छ।