खोटाङ । भारतको मेघालयस्थित अवैध कोइलाखानीमा माघ २२ गते भएको विष्फोटमा ज्यान गुमाउने नेपालीको संख्या चार पुगेको छ। बेपत्ता रहेका खोटाङ हलेसी तुवाचुङ नगरपालिका–५ का ५० वर्षीय रत्न राईको शव अस्पतालमा जलेको अवस्थामा फेला परेपछि मृतक संख्या चार पुगेको हो।
यसअघि खोटाङकै पूर्णबहादुर, सुरेन्द्र र नरबहादुर खपाङ्गीको मृत्यु पुष्टि भइसकेको थियो। मृतक परिवारले शव नेपाल ल्याउन सरकारबाट कुनै सहयोग नपाएको गुनासो गरेका छन्। विष्फोटमा परेर तीन नेपाली गम्भीर घाइते छन् भने दर्जनौँ कामदार खानीमै फसेको आशंका गरिएको छ।
प्रतिक्रिया