काठमाडौं । काभ्रेको बृहत् महिला भेलामा नेकपा एमालेका केन्द्रीय सदस्य एवं प्रतिनिधि सभा सदस्य काभ्रे १ का उम्मेदवार अमित लामाले महिलालाई अब पछाडि बस्ने होइन, अगाडि उठेर समाज र राष्ट्र निर्माणमा नेतृत्व लिन आह्वान गरेका छन्।

भेलामा सम्बोधन गर्दै उनले भने, “महिला संख्या मात्र होइन, शक्ति हौं। महिलाहरुको मेहनतले घर, खेत, बजार र समाज चलाइरहेको छ। महिलाहरू राष्ट्रका पहरेदार हुन्, देशका भविष्य हुन्। महिला उठ्यो भने, देश उठ्छ। परिवर्तन र अधिकार सुनिश्चित हुन्छ।”

अमित लामाले उपस्थित दिदीबहिनीहरूलाई आफ्नो शक्ति महसुस गर्न, एक अर्कामा विश्वास गर्न र चुप नबस्ने, उठेर परिवर्तन ल्याउने संकल्प गर्न आग्रह गरे। कार्यक्रममा महिलासम्मको व्यापक सहभागिताले महिलाको सशक्तिकरण र समानताको सन्देशलाई अझ प्रभावशाली बनाएको थियो। भेलाको आयोजना अखिल नेपाल महिला संघ काभ्रेले गरेका थिए ।