काठमाडौं । दरबारमार्गस्थित एक डान्स क्लबमा लागेको आगो नियन्त्रणमा आएको छ। दरबारमार्गमा रहेको होटेल उडल्यान्डको माथिल्लो तलामा सञ्चालनमा रहेको ब्ल्याकआउट डान्स एन्ड रेष्टुरेन्टमा बिहीबार बिहान आगलागी भएको थियो।
प्रहरीका अनुसार आगलागी भएको केही समयमै सुरक्षाकर्मी र दमकलको सहयोगमा आगो नियन्त्रणमा लिइएको हो। हाल आगो पूर्ण रूपमा नियन्त्रणमा आइसकेको जिल्ला प्रहरी परिसर काठमाडौंले जनाएको छ।
जिल्ला प्रहरी परिसर काठमाडौंका प्रवक्ता प्रहरी उपरीक्षक (एसपी) पवनकुमार भट्टराईले आगो नियन्त्रणमा आइसकेको जानकारी दिँदै आगलागीको कारण भने अझै खुलिनसकेको बताएका छन्। आगलागीबाट भएको क्षतिको विवरण संकलन भइरहेको प्रहरीले जनाएको छ।
प्रतिक्रिया