काठमाडौं ।  नेकपा एमालेका अध्यक्ष केपी शर्मा ओलीले आज च्यासलमा आयोजित कार्यक्रममा शेयर बजारका लगानीकर्ता दिपेन्द्र अग्रवालसहितका लगानीकर्तालाई पार्टीमा स्वागत गर्नुभएको छ।

ओलीले पार्टी प्रवेश कार्यक्रमका क्रममा लगानीकर्तालाई एमालेको नीतिगत दृष्टिकोण र आगामी निर्वाचन रणनीति बारे जानकारी दिनुभएको थियो। उहाँले पार्टी प्रवेश गर्ने सबै नयाँ सदस्यहरुलाई लोकतान्त्रिक मूल्य र पार्टीको दिगो विकासमा सक्रिय भूमिका खेल्न आह्वान गर्नुभयो।

कार्यक्रममा पार्टीका केन्द्रीय र स्थानीय नेताहरु पनि उपस्थित थिए। कार्यक्रममा सहभागीहरूले ओलीको नेतृत्वमा पार्टीको बलियो एकता र विकासका गतिविधिहरुमा योगदान दिने प्रतिबद्धता व्यक्त गरेका थिए।