रौतहट । रौतहट जिल्लामा दुई वटा मोटरसाइकल आपसमा ठोक्किँदा दुई युवकको ज्यान गएको छ।

गौर–पिपरा सडकखण्ड अन्तर्गत राजदेवी नगरपालिका–पथरा क्षेत्रमा प्र०२–०३–०१८प २३४६ नम्बरको मोटरसाइकल र भारतीय नम्बर प्लेट बीआर ३० एएफ २३७० नम्बरको मोटरसाइकल एकआपसमा ठोक्किएका थिए। दुर्घटनामा दुर्गाभगवती गाउँपालिका निवासी अशोक महतो र राजदेवी नगरपालिका–२ निवासी अरविन्द महतोको मृत्यु भएको हो।

दुवै मोटरसाइकल तीव्र गतिमा रहेका कारण ठक्कर अत्यन्तै भीषण भएको र गम्भीर घाइते भएका दुवै जनालाई उपचारका लागि अस्पताल लैजाँदै गर्दा बाटोमै मृत्यु भएको जिल्ला प्रहरी कार्यालय रौतहटका प्रवक्ता तथा डीएसपी विष्णुप्रदीप बस्यालले जानकारी दिनुभयो।

दुर्घटनाबारे थप अनुसन्धान भइरहेको प्रहरीले जनाएको छ।