काठमाडौं । राष्ट्रिय स्वतन्त्र पार्टी (रास्वपा) र काठमाडौं महानगरपालिकाका प्रमुख बालेन्द्र शाहबीच भएको सहमति रास्वपाको केन्द्रीय समितिले अनुमोदन गरेको छ।
रास्वपा सभापति रवि लामिछानेको सभापतित्वमा आइतबार राति बसेको विशेष बैठकले, राष्ट्रिय स्वतन्त्र पार्टी र काठमाडौं महानगर प्रमुखबीचको वृहत् एकताको सहमति अनुमोदन गर्ने निर्णय गरेको महामन्त्री कविन्द्र बुर्लाकोटीले जानकारी दिएका छन्।
बैठकले यस सहमतिले राष्ट्रहितका लागि ठूलो आँट, त्याग र आशा प्रतिबिम्बित गर्ने विश्वास व्यक्त गर्दै, मुलुकभरको भ्रष्टाचार, बेतिथि, सुशासन, समृद्धि, लोकतन्त्र र सामाजिक न्यायको अवस्था स्थापना गर्न योगदान पुर्याउने निर्णय गरेको जनाएको छ।
प्रतिक्रिया