काठमाडौँ । चन्द्रागिरि नगरपालिका ‘बालश्रममुक्त स्थानीय तह’ घोषणा भएको छ। काठमाडौँ जिल्लामै चन्द्रागिरि सम्भवतः पहिलो बालश्रममुक्त स्थानीय तह बनेको हो।

बागमती प्रदेशका मुख्यमन्त्री इन्द्रबहादुर बाँनिया, सामाजिक विकासमन्त्री कञ्चनचन्द्र बादे र नगर प्रमुख घनश्याम गिरीले नगरपालिकालाई बालश्रममुक्त स्थानीय तह घोषणा गरेका हुन्। यसअघि चन्द्रागिरिका सबै वडालाई चरणबद्ध रूपमा ‘बालश्रममुक्त वडा’ घोषणा गरिएको थियो।

नगर प्रमुख गिरीले बालश्रममुक्त घोषणापछि यसको दिगोपनका लागि निरन्तर काम जारी राखिने बताए। नगरपालिकाले राष्ट्रिय गुरुयोजना र कानुनी व्यवस्था अनुसार बालश्रम निवारणका कार्यक्रम सञ्चालन गर्दै आएको जनाएको छ।