काठमाडौं । निर्वाचनको वातावरण बनाउन सरकार सक्रिय बनेको छ। यसैक्रममा सञ्चारमन्त्री जगदीश खरेलले आज प्रमुख तीन दलका शीर्ष नेतासँग भेटघाट गर्दैछन्।

निर्वाचनको वातावरण बनाउन सरकार सक्रिय बनेको छ। यसैक्रममा सञ्चारमन्त्री जगदीश खरेलले आज प्रमुख तीन दलका शीर्ष नेतासँग भेटघाट गर्दैछन्। मन्त्री खरेलले कांग्रेस सभापति शेरबहादुर देउवासँग महाराजगञ्जस्थित निवासमा भेट गरी छलफल गरेका छन्। खरेलको सचिवालयका अनुसार आजै उनले एमाले अध्यक्ष केपी शर्मा ओली र नेकपा संयोजक पुष्पकमल दाहाल ‘प्रचण्ड’ सँग छुट्टाछुट्टै भेटवार्ता गर्ने कार्यक्रम छ।

आगामी फागुन २१ गते तय भएको प्रतिनिधिसभा निर्वाचनको वातावरण बनाउन सरकार र दलबीच सम्बन्ध सुधार तथा सहमति जुटाउने उद्देश्यले यी भेटघाटहरू भइरहेको जनाइएको छ।