काठमाडौं । रास्वपा सभापति रवि लामिछाने र काठमाडौं मेयर बालेन शाहबीचको राजनीतिक संवाद अब निर्णायक मोडमा पुगेको छ। पार्टी एकता वा सहकार्यबारे आज रातिसम्म ठोस टुंगो नलागे अलग–अलग बाटो रोजिने निश्चितजस्तै भएको निकट स्रोतले जनाएको छ।

पार्टीको नाम, चुनाव चिह्न र उम्मेदवार अनुपातमा कडा सौदाबाजी भइरहेको छ। रास्वपाले ७०–३० को अनुपातमा समानुपातिक उम्मेदवार सूची प्रस्ताव गरेको छ भने नेतृत्वक्रम र भावी सत्ता संरचनाबारे स्पष्ट सहमति खोजिँदैछ। स्रोतका अनुसार बालेनलाई पहिलो चरणमै प्रधानमन्त्री बनाउने प्रतिबद्धतामा रवि कायम छन्।

यसअघि संवाद बिग्रँदै गएपछि बालेनले वैकल्पिक राजनीतिक मोर्चा बनाउने तयारी थालेका थिए, जसले रविमाथि दबाब बढाएको छ। आजको छलफलले नयाँ शक्तिहरूको एकता हुन्छ कि अन्तिम विच्छेद, त्यसको फैसला गर्नेछ।