काठमाडौं । नेकपा एमालेको आगामी महाधिवेशनमा अध्यक्ष पदका लागि दुई जनाको उम्मेदवारी परेको छ । वर्तमान अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलले अध्यक्ष पदका लागि उम्मेदवारी दर्ता गराएका हुन् ।

महासचिव पदका लागि भने वर्तमान महासचिव शंकर पोखरेल र उपाध्यक्ष सुरेन्द्र पाण्डेबीच प्रतिस्पर्धा हुने भएको छ । शंकर पोखरेल संस्थापन पक्षका उम्मेदवारका रूपमा मैदानमा छन् भने सुरेन्द्र पाण्डे इतर समूहका उम्मेदवार हुन् ।

अध्यक्ष र महासचिव दुवै पदमा प्रतिस्पर्धा हुने भएपछि एमाले महाधिवेशन थप रोचक बनेको छ । दुवै पक्ष प्यानलसहित चुनावी प्रतिस्पर्धामा उत्रिएका छन् । अध्यक्ष ओली तेस्रो कार्यकालका लागि पुनः उम्मेदवार बनेका छन् भने ईश्वर पोखरेल पूर्वराष्ट्रपति विद्या भण्डारीको समर्थनसहित अध्यक्ष पदको दाबेदार बनेका हुन् ।